- Svæði: Búrgúnd
- Eigandi: Vincent og Veronique Girardin
- Stofnað: Frá 1982 starfar Vincent sjálfstætt
- Framleiddar flöskur: 500.000
- Hektarafjöldi: 20 í eigin eigu
- Hlutfall eigin þrúga af heildarframleiðslu: 1/3
- Vefur: www.vincentgirardin.com
11 kynslóðir af Girardin fjölskyldumeðlimum hafa ræktað og framleitt vín við bæinn Santenay í Búrgúnd. 22 ára gamall fékk Vincent Girardin hluta af vínekrum föður síns, 3 hektara, 1982 en hefur síðan bætt við sig jafnt og þétt, m.a. vínekrum í Puligny Montrachet og Chassagne Montrachet.
Nú er fyrirtækið staðsett í splúnkunýrri víngerð í bænum Meursault og framleiðir vín af eigin vínekrum auk þess að stunda svokallaða negociant starfssemi sem þau hafa gert síðan 1994 og felst í því að kaupa þrúgur af bændum og framleiða undir eigin merki, nokkuð sem er mjög algengt í Búrgúnd. Portfólían er því breið og spannar allt frá léttari Bourgogne vínum til þungavigtar-Grand Cru vína.
Það sem er einkennir vínin frá Vincent Girardin er mýkt og aðgengileiki, jafnvel þegar þau eru enn ung.
View Vínframleiðendur í Frakklandi in a larger map
Við flytjum inn ýmis Premier og Grand Cru vín frá Vincent Girardin, bæði rauð og hvít. Sendu okkur tölvupóst á vinogmatur@vinogmatur.is til að fá allan listann.
Hér má skoða sjónvarp frá heimsókn okkar til vínframleiðenda í Frakklandi haustið 2008 (Girardin byrjar 5:58).