Montefalco Rosso D.O.C. Vínið hefur meiri klassa en Poggio Belvedere án þess þó að glata þeim þokka og ferskleika sem það vín hefur. Þetta vín jafnast á við bestu Chianti Classico vín að stíl og gæðum. Þroskaferlið er 15 mánuðir, fyrst 12 mánuðir til helminga í stórum slóvenskum eikartunnum og frönskum eikartunnum og loks 3 mánuðir í flösku áður en það er sett á markað. Vínið er dökkt og massíft en elegant umfram allt. Í munni vottar fyrir spriklandi sítrussýru sem hjálpar víninu frekar að verða gott matarvín, helst rauðu kjöti og góðum ostum eins og parmeggiano.