Nýtt hvítvín frá Arnaldo Caprai með frumlegum miða sem minnir á frímerki og flipa aftan á flöskunni sem auðvelt er að rífa af ef maður vill geyma nafnið og taka með sér í næstu vínbúðarferð. Einnig er fáanlegt systur-rauðvín með sama nafni, Anima Umbra, og á sama verði. Eins og "anima Umbra" gefur til kynna er vínunum ætlað að fanga anda Úmbría héraðsins í flösku svo við hérna á fróni getum upplifað hann um stund og í því skyni notar Caprai eingöngu staðbundnar þrúgur og framleiðsluaðferðir sem best endurspegla karakter héraðsins. Ferskt vín og aðgengilegt með tónum af peru, melónu og sítrus.