Tessari fjölskyldan er þekkt fyrir að vera einn þeirra framleiðenda sem hafa endurbætt ímynd Soave hvítvína en þau voru komin í óefni sökum lélegra gæða og fjöldaframleiðslu. Soave San Michele er sannarlega vel gert hvítvín sem einkennist af hinum dæmigerða ferskleika góðra, ítalskra hvítvína. Ætlað til að njóta með mat eða sötra á meðan maður er að kokka í pottunum. Það er ekki þungt eða þykkt heldur ljúft með þægilegum, blómkenndum ilmi sem flytur mann út á engi einhvers staðar á Norður-Ítalíu. Ávöxturinn er sítruskenndur með vott af perum og melónu og eftirbragð þurrt og minnir svolítið á furuhnetur. Að öllu leyti óeikað vín sem hentar sem fordrykkur eða með hvers slags léttum pasta og fiskréttum. 

4 glös "karakterríkt og flott Soave" Gestgjafinn. Lestu dóminn