Eina vínið frá Castello di Querceto sem Vín & Matur flytur inn sem framleitt er úr aðkeyptum þrúgum.  Þrúgurnar koma frá svæði, Colline del Valdarno, nokkra kílómetra frá kastalanum en sem liggur rétt utan við Chianti Classico og því kallast vínið eingöngu Chianti.  Alessandro velur þrúgurnar þó greinilega vel því skyldleikinn við upprunalegu vín kastalans er augljós.  Þetta er óeikað vín og silkimjúkt þar sem áherslan er fyrst og fremst lögð á ferskleika og léttleika svo auðvelt og gott sé að drekka það með mat enda hefur það verið valið á vínlista Icelandair Business-class (2005-6). Lítill tannín, mild sýra og lágt áfengismagn (12%) eiga drjúgan þátt í aðgengileika vínsins. Gott með léttum grænmetisréttum, pasta, pizzum og ljósu kjöti, jafnvel fiski þar sem tannín eru svo lítil

4 glös BESTU KAUPIN "frábær kaup" Gestgjafinn. Lestu dóminn

[2004]
85 stig "mjúkt í munni " Mbl. Lestu dóminn