Comtesse Madelein de Pins var húsfrú Montfaucon kastalans í yfir 60 ár. Hún var amma Rodolphe sem nú stýrir víngerðinni og hefur hann tileinkað þetta vín minningu hennar. Vínið er blanda af a.m.k. fimm ólíkum þrúgum sem hver gefur því sinn karakter; Viognier er ilmríkust, Marsanne gefur því ávöxt og þykkt og Clairette, Bourboulenc og Picpuol auka sýru, ferskleika og steinefni hver á sinn hátt. Útkoman er einstaklega heillandi og glæsilegt hvítvín sem hefur jafnframt þroskast í 8 mánuði í frönskum eikartunnum. Vínið gengur með hvers slags fiskifæði, ekki síst hörpuskelfiski og humri.