Hvítvín eins og þetta eru að okkar skapi og er það ekki furða hvað okkur finnast suður-frönsk hvítvín skemmtileg. Ferskleiki umfram allt sem einkennist af sítrus og hvítum blómailm en undir niðri er hunangskenndur hjúpur sem gefur því þéttleika svo það gælir við góminn. Hér er fimm ólíkum þrúgum blandað saman til að skapa einn sterkan einstakling. Þéttleiki vínsins gerir það ekki bara gott með fiski (humar, lúða ekki síst) heldur einnig með ljósu fuglakjöti og jafnvel svínakjöti.