Dæmigert s-franskt rauðvín með miklum og þroskuðum ávexti án þess að fara út af sporinu. Þvert á móti er vínið allt fremur elegant. Undir niðri finnur maður fyrir lággróðri, jörð og kryddi en í eftirbragði vottar fyrir lakkrís og kaffi.  Vínekrunar kenndar við Minervois svæðið eru einar þær bestu í Languedoc sem skilar sér í þessu ljúfa víni sem okkur finnst frábær kaup. Mild tannín gera vínið aðgengilegt enda þroskinn líka orðinn talsverður eftir þessi 5 ár. Flott með lambakjöti eða nautakjöti sem er eldað á einfaldan hátt þar sem kjöt og vín njóta sín sem best.

VÍN MÁNAÐARINS 4 glös "Öll Minervois-sveitin í glasinu" Gestgjafinn. Lestu dóminn