Grand Cru vínekrurnar í Chablis eru tilkomumikili sjón. Þær eru alveg ofan í bænum og mynda eina samfellda hlíð. Þar á meðal er Les Clos vínekran sem þetta vín kemur frá. Framleiðsluaðferðin er svipuð og hjá 1er Cru Vaillon og sömuleiðis aldur vínviðar og þéttleiki. Þannig fara um 2/5 vínsins í eikartunnur (þar af innan við 10% nýjar), aldur vínviðar er 55 ára og þéttleiki plantna 7.000 per hektara. Þetta vín er hins vegar töluvert meira um sig, dýpra og flóknara og er það staðsetning og eðli Grand Cru vínekranna sem veldur því. Áferðin er silkimjúk og lokkandi. Afskaplega ljúft, opið og safaríkt vín sem gengur sérstaklega vel með t.d. feitari fiski eins og humri.

4 1/2 glas "Nammi, namm " Gestgjafinn. Lestu meira