Vin Santo del Chianti Classico D.O.C.
Þetta "heilaga" sætvín er framleitt úr rauðvínsþrúgunni Sangiovese og hvítvínsþrúgunni Malvasia.  Þrúgurnar eru týndar í byrjun október en síðan látnar skreppa saman í herbergi þar sem er þurrt og loftar vel um í 5 mánuði eða svo.  Þá eru þrúgurnar pressaðar varlega og látnar gerjast og þroskast í a.m.k. 5 ár í misstórum tunnum, allt frá 2l.-100l., úr ólíkum tegundum af við. Útkoman er að okkar mati ómótstæðilega. Vin Santo getur verið dýsætt eða beinþurrt allt eftir því hversu stór hluti sykrumagnsins hefur umbreyst í alkóhól (þ.e. því hærra alkóhól þeim mun þurrar er vínið).  Vin Santo frá Fontodi er sá stíll sem liggur eiginlega þarna mitt á milli en er hiklaust sætt vín.  Þurrkaðar apríkósur eru sérstaklega áberandi.