100% Shiraz úr vínvið sem hefur verið klónaður af Block 6 vínekrunni.  Vínviðurinn er því yngri og vínið opið og ómótstæðilegt strax við ungan aldur.  Þetta er svokallaður “blockbuster”, gríðarlegur krafturinn beislaður og taminn af 28 mánaða dvöl í nýjum, amerískum eikartunnum.  Liturinn er dökkur og bragðið djúpt og safaríkt.  Víngerðarkunnáttan sér svo til þess að vínið fari aldrei út af sporinu heldur þvert á móti hefur það aðdáunarverða jarðtengingu “terroir” sem gerir það flókið og heillandi, allt að því fágað.