Það er sérstaklega frískandi að drekka Lambrusco vínin frá Lini því þau verða aldrei sæt eða væmin heldur frekar þurr, frískleg og iðandi af ávexti. Lambrusco Scura  frá Lini mætti kalla rauðvín og freyðivín í einu og sama glasinu og fjölhæfni vínsins eftir því. Frábært matarvín, ekki síst með hvers konar kjötpasta, parmaskinku og pylsum, ostum og nasli og slátur (já, við höfum prófað það). Freyðandi karakterinn skapar stemningu sem gerir hversdagsmáltíð að veislu.