Grüner Veltliner frá Sandhofer er fyrsta vínið sem við tökum þátt í að búa til, ef svo má segja. Hubert Sandhofer lagði til nokkur hvítvín úr Grüner Veltliner þrúgunni sem öll höfðu örlítið mismunandi karakter og völdum við síðan tvö sem okkur þótti best og er þetta lokavín millivegur milli þeirra. Ilmurinn af víninu er sætkryddaður með þroskuðum perum, læmi, blæjuberjum og votti af hunangi og fersku kryddi í bakgrunni. Hvítur pipar finnst bæði í nefi og munni, sérstaklega í eftirbragðinu. Góð meðalfylling, ekki of þurrt en mátulega sýruríkt til að gera það fersklegt og frískandi. Fjölhæft matarvín sem getur gengið með flestum fisk-réttum og léttari kjötréttum svo sem kjúklingi og grilluðu svínakjöti.

Flöskuna prýðir miði með mynd úr málverki eftir Kristínu Gunnlaugsdóttur, hannaður fyrir íslenskan markað af Ámunda Sigurðssyni.

4 glös "Matarvænt og vel gert!" Gestgjafinn. Lestu meira