Umani Ronchi víngerðin er mikið í því að vinna í ræktun og varðveislu staðbundinna þrúga í héraði sínu Le Marche og í nágrannahéraðinu Abruzzo. Í raun má segja að öll víngerð fyrirtækisins snúist um staðbundnar þrúgur því "alþjóðlegar" þrúgur eins og Chardonnay fá aðreins rétt svo að kíkja í heimsókn þar á bæ á meðan að þrúgur eins og Verdicchio, Montepulciano, Sangiovese, Trebbiano og fleiri minna þekktar þrúgur eru í fyrirrúmi. Ein slík er þrúgan Pecorino sem Umani Ronchi bætti nýlega í safnið sitt, reyndar er þessi 2007 árgangur sem við bjóðum nú upp á sá fyrsti sem framleiddur er af víninu. Vínið er talsvert ólíkt hinu vinsæla Casal di Serra frá sama framleiðanda, ljóst á lit, þurrt og mjög steinefnaríkt. Það kemur líka frá öðru héraði, Abruzzo en Le Marche. Maturinn með víninu þarf að vera af léttara taginu, ljós og ekki of feitur fiskur og grænmetisréttir.